Sardot Sowan

Critane sardot lagi sowan neng omahe pak RT sodron perlune ameh njaluk surat pengantar nggo nggawe KTP..

sardot : kulonuwuuuun!!!

sodron : pareeeng!!!

sardot : nggeeh paaak.. LHO?? SING MERTAMU KI AKU PAK!!!

sodron : ono perlu opo kowe dot?

... sardot : anu pak RT.. aku ameh.....

sodron : nyilih TOA mushola kanggo demo maneh?? ora perlu dot.. cangkemu wes seru ngono ra perlu di....

sardot : uduk pak!! aku ameh....

sodron : utang duit kematian maneh?? jiaaan mbok mikir dot!! kuwi duite wong mati!! kuwalat kapok kowe.. sing wingi wae durung di.....

sardot : uduk paaakk!!! anu.. kuwi lho.. opo jenenge lah... kartu.. kartu.. opo ngono pak..

sodron : KTP ??

sardot : laaaah !!!! bener kuwi pak!!! hehehe.. iki pinter temen bapake sopo sih.. nang.. ning.. ning.. nang.. duutt.. (karo njiwit irunge pak RT)

sodron : oke dot.. ngisi blangko iki yo?

sardot : siap kapten!! (semangat)

sodron : jeneng?

sardot : Jati Sardot..

sodron : elek temen.. (karo nulis)

sardot : ah.. bapak.. sing penting khan rupane gant....

sodron : tanggal lair??

sardot : 17 agustus 19....

sodron : ..45???

sardot : pak?? nek umurku sak mono aku yo wes ndekem neng kuburan to pak?? 1990 paakk..

sodron : tempat lair?

sardot : kend...

sodron : kendat??

sardot : kendaaaall bapaaak!!! nek kendat yo aku ra sido lair to paaak.. (karo njambaki pak RT)

sodron : jenis kelamin?

sardot : ehemm... (karo pamer lengen)

sodron : statusmu tak tulis BUJANG AMBYAR opo NELONGSO dot??

sardot : manut pak... hiks.. hiks.. (karo netes uluh)

sodron : alamat?

sardot : aku wargamu paaak.. wargamuuuu!! AAARRRGGGHH!!!! (karo nyakar-nyakar pak RT)

sodron : nyoh gari tanda tangan dot.. hehehe

sardot : tenan iki pak?

sodron : iyo dot.. ayo tanda tangan!

sardot : ora ono pitakon maneh?

sodron : ORA!! CEPET TO!!!! (kesuh)

sardot : yakin?

sodron : YAKIIIIINNN!!!!!! (karo ngrawusi raine dewe)

sardot : sumpah?

sodron : AAARRGGHH!!!!!! (karo eker-eker mester)

sardot : tenan?

sodron : KAING.. KAING.. WOOUURKK.. WOOUURK !!!! (dadi koyo guk-guk)

sardot : oke pak..

sodron : (ambegan lego)

sardot : tapi..

sodron : opo dot? (kuatir)

sardot : tanda tanganku elek pak,. hehehe.. emoh ah.. aku isin pak..

sodron : ora popo dot!! ayo!!!

sardot : paak.. ojo mekso ngono lah paaak... mengko ono wong weruh piye jal paaak... (genit)

sodron : AYO DOT!!!!

sardot : ayo banget opo ayo aja pak?? (mripate kedep siji)

sodron : GELEM PORA????? (karo ngangkat lemari)

sardot : i..iyo pak!!! (langsung tanda tangan)

sodron : lhaaa.. ngono wae angele eram... hahaha (mrongos)

sardot : maturnuwun pak RT.. iki tak gowo trus aku pamit mulih yo pak.. muach!! hehehe

sodron : ehemm.. kowe ono sing kelalen pora dot?? (karo mlintir brengos)

sardot : ealah mangapkan aku pak.. hehehe.. biayane tow?.. nyoh pak, (karo ngecungi duit)

sodron : lho kok.. mung.. SEWU??

sardot : anu pak.. aku ora nduwe duit gede ki... piye jal? hehehe (ngece)

sodron : oohh.. ngono caramu yo dot,. oke.. tak tompo.. tapi ATI-ATI KOWE DOT!! bariki aku ameh telpon kecamatan!!! (ngencem)

sardot : a..ameh ngopo pak? (wedi)

sodron : aku..

sardot : o..po pak? (ngompol)

sodron : ameh nelpon..

sardot : so..sopo p..pak? (ngising)

sodron : PAK CAMAT... supoyo..

sardot : su.. supoyo o..opo p..pak?? (dengkule gemeteran)

sodron : supoyo....
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
...DOLAN RENE!!!

..wes suwi aku ora maen SKAK karo pak camat dot... hehehe..

*sardot salaman trus salto
.
.
.
@Jowonesia

Comments